വാതുരുത്തി റെയിൽവേ ഗേറ്റ് മുതൽ വെണ്ടുരുത്തി പാലം വരെയുള്ള 1.3 കിലോമീറ്റർ നീളമുള്ള മതിലിൽ പ്രാദേശിക കലാകാരന്മാർ വരയ്ക്കുന്ന 250 ചുവർ ചിത്രങ്ങളാണ് ഒരുങ്ങുന്നത്. ഇതോടൊപ്പം മതിലിനോട് ചേർന്നുള്ള നടപ്പാതയിൽ ഇരിപ്പിടങ്ങളും തെരുവ് വിളക്കുകളും സ്ഥാപിച്ച് വിനോദസഞ്ചാരികളെ ആകർഷിക്കുന്ന രീതിയിൽ നവീകരിക്കാൻ ജില്ലാ കളക്ടറുടെ നേതൃത്വത്തിൽ വിപുലമായ പദ്ധതി തയ്യാറായി വരുന്നു.