മഹാദേവൻ്റെ അവതാരമായ ഭൂതത്താൻ പ്രതിഷ്ഠയായ ശ്രീ ഭൂതത്താൻ ക്ഷേത്രത്തിൽ കുംഭമാസത്തിലെ ആറു ദിവസങ്ങളിലായി നടക്കുന്ന 'കുംഭ പുണർത തിരുഉത്സവം' ഏറെ പ്രശസ്തമാണ്. തൃക്കൊടിയേറ്റത്തോടെ ആരംഭിച്ച് ആറാട്ടോടെ സമാപിക്കുന്ന ഉത്സവ ദിനങ്ങളിൽ പ്രത്യേക പൂജകളും ഘോഷയാത്രകളും കലാപരിപാടികളും നടക്കുന്നു. ജാതിമതഭേദമന്യേ ആയിരങ്ങൾ ഒത്തുചേരുന്ന ഈ ക്ഷേത്രം നെടുമങ്ങാടിൻ്റെ സാംസ്കാരിക ഐക്യത്തിൻ്റെ പ്രതീകം കൂടിയാണ്.